जळगाव, दि. 24 (जनसंवाद न्युज): 23 फेब्रुवार रविवार रोजी संध्याकाळी पाच वाजता पद्मालय रेस्ट हाऊस या ठिकाणी भारतरत्न डॉक्टर बाबासाहेब आंबेडकर सार्वजनिक जयंती उत्सव समितीची बैठक दिलीप अहिरे यांच्या अध्यक्षतेखाली पार पडली. जळगाव शहरातील समाज बांधवांनी आणि भगिनींनी बैठकीला मोठ्या संख्येने उपस्थिती दिली. महामानव डाॅ. बाबासाहेब आंबेडकर यांची 134 वी जयंती मोठ्या उत्साहात जल्लोषात साजरी व्हावी यासाठी ठराव मांडण्यात आला. त्याला सर्वानुमते मान्यता देण्यात आली.
भारतरत्न डॉ. बाबासाहेब आंबेडकर सार्वजनिक जयंती उत्सव समितीच्या अध्यक्षपदी आशिष उत्तमराव सपकाळे यांची एकमताने निवड करण्यात आली. त्यांनी समाजाला विश्वास दिला की डॉ. बाबासाहेब आंबेडकर जयंती उत्सव समिती या चार दिवसीय कार्यक्रम जल्लोषात व प्रबोधनात्मक साजरा करण्यात येईल, तसेच उपाध्यक्ष म्हणून मोनू अडकमोल व सौ भारतीताई रंधे, कार्याध्यक्ष मोरे आबा यांची निवड करण्यात आली, बैठकीच्या वेळेस भारतरत्न डॉ. बाबासाहेब आंबेडकर सार्वजनिक उत्सव समितीचे माजी अध्यक्ष राधे शिरसाठ व सतीश गायकवाड, विशाल अहिरे हरिश्चंद्र सोनवणे, माजी नगरसेवक सुरेश सोनवणे, माजी नगरसेवक राजू मोरे, 358 ग्रुपचे संस्थापक अजय गरुड, अनिल अडकमोल समाजसेवक मुकुंद सपकाळे, विजय सुरवाडे, आरपीआयचे शहराध्यक्ष मिलिंद सपकाळे, सचिन सरकटे, सागर बांगर, टीना तायडे, समाधान सोनवणे, जितेंद्र केदारे, सुमित अहिरे, अॅड. अभिजीत रंधे तसेच समाजाचे कार्यकर्ते व पदाधिकारी उपस्थित.
