जळगाव, दि. 23 (जनसंवाद न्युज): भरारी फाउंडेशनतर्फे २३ ते २७ जानेवारी दरम्यान सागर पार्क मैदानावर बहिणाबाई महोत्सवाचे बहिणाबाई महोत्सव आयोजन करण्यात आले आहे. यंदा महोत्सवाचे १० वे वर्ष आहे. गुरुवारी म्हणजे आज पासुन बहिणाबाई महोत्सवाला सुरूवात होत आहे.
सायंकाळी सहाला अपर पोलिस महासंचालक कारागृह व सुधारसेवा डॉ. जालिंदर सुपेकर यांच्याहस्ते सागर पार्क मैदानावर उद्घाटन होईल. या वेळी खासदार स्मिता वाघ, आमदार सुरेश भोळे, आमदार मंगेश चव्हाण, जिल्हा नियोजन अधिकारी विजय शिंदे, नाबार्डचे जिल्हा व्यवस्थापक अमित तायडे, भालचंद्र पाटील, उद्योजक रजनीकांत कोठारी, डॉ. पी. आर. चौधरी, बाळासाहेब सूर्यवंशी आदींची उपस्थिती राहणार आहे. यंदाच्या महोत्सवाचे आकर्षण म्हणजे खानदेशातील पर्यटन स्थळांच्या माहितीचे दालन, तसेच वाचन संस्कृती जोपासण्याच्या दृष्टीने भव्य पुस्तकाच्या प्रतिकृतीचे प्रवेशद्वार साकारण्यात आले आहे.
असे आहेत कार्यक्रम
२३ जानेवारीला “भारुडं प्रबोधनाचे, शालेय सांस्कृतिक कार्यक्रम, जागर लोककलेचा तसेच विद्यार्थ्यांसाठी चित्रकला स्पर्धेचे आयोजन करण्यात आले आहे. त्याचबरोबर २४ तारखेस अभिनेत्री श्रेया बुबडे व अभिनेते कुशल बद्रीके यांचा ‘चला हवा करुया’ कार्यक्रम, २५ जानेवारीस “सप्तरंगी रे” हे शास्त्रीय नृत्याचे सादरीकरण, मराठी संस्कृतीचा फॅशन शो, २६ जानेवारीला शाहीर मीरा दळवी यांचा ‘लावणी महाराष्ट्राची’ कार्यक्रम, २७ जानेवारीस शाहीर सुमित दळवी यांचा ‘शाहीर हा महाराष्ट्राचा प्राण’ असे सांस्कृतिक कार्यक्रम होतील. विविध खाद्यपदार्थांची मेजवानी याठिकाणी आहे.
